Contact the NSPCC Helpline
You can contact our Helpline by calling 0808 800 5000 or emailing [email protected].
Our voice Helpline is available 10am–4pm Monday to Friday. You can email [email protected] at any time for free. You have the option to remain anonymous.
If we have not yet responded to you and your concerns for the safety of a child increase, please contact the police or local Children’s Services directly. Please be assured that we'll action all contacts that our Helpline receives.
Under 18?
Childline offers free, confidential advice and support whatever your worry, whenever you need help.
(Darllenwch y dudalen hon yn Saesneg — Read this page in English)
Rydym yn gweithio gyda phobl ifanc LHDTC+ (13–19 oed) ledled y DU ac Ynysoedd y Sianel i ddysgu mwy am flacmel ar-lein
P’un a ydych chi wedi bod yn rhan ohono, neu ei fod wedi effeithio arnoch chi, neu eich bod yn awyddus i rannu eich barn. Hoffem glywed gennych chi.
Rydym yn gwybod bod y sefyllfaoedd hyn yn gallu bod yn gymhleth. Dyna pam rydym yn awyddus i glywed gan bobl ifanc sydd â phob math o brofiadau — er mwyn cael deall sut mae'n digwydd, sut mae'n effeithio ar bobl ifanc, a pha fath o gymorth sy'n helpu.
Gall eich llais helpu i greu gwasanaethau ac adnoddau gwell ar gyfer pobl ifanc LHDTC+.
Beth yw Blacmel Ar-lein?
Blacmel ar-lein yw pan fydd rhywun yn ceisio dylanwadu ar rywun arall, neu roi pwysau arno, drwy ddweud y bydd yn rhannu pethau preifat. Gall hyn gynnwys lluniau, fideos, negeseuon neu wybodaeth bersonol - fel rhywioldeb, hunaniaeth rhywedd neu berthnasoedd rhywun, yn enwedig os nad yw wedi rhannu’r pethau hyn â phobl eraill.
Gallai blacmel ar-lein gynnwys gofyn am luniau neu fideos (fel lluniau noeth), arian, cyswllt parhaus, neu aros mewn perthynas. Weithiau roedd y pethau preifat neu bersonol hyn wedi cael eu rhannu o wirfodd yn y lle cyntaf; ar adegau eraill efallai eu bod wedi cael eu cymryd, eu ffugio neu eu rhannu heb ganiatâd.
Weithiau gall yr unigolyn feithrin ymddiriedaeth i ddechrau drwy esgus bod yn rhywun arall. Dro arall, gall yr unigolyn fod yn rhywun rydych yn ei adnabod mewn bywyd go iawn.
Gall blacmel ar-lein ddigwydd drwy negeseuon preifat, sgyrsiau fideo, cyfryngau cymdeithasol, neu fannau eraill ar-lein — a rhwng dieithriaid, ffrindiau, aelodau o'r teulu, neu bobl mewn perthnasoedd.
Gwybodaeth am yr Ymchwil
Mae'r astudiaeth hon yn cael ei harwain gan ymchwilwyr LHDTC+ ym Mhrifysgol Birmingham a Phrifysgol Nottingham Trent, mewn partneriaeth â'r NSPCC.
Mae wedi’i chynhyrchu ar y cyd â phobl ifanc LHDTC+ — sy'n golygu eu bod wedi helpu i ddylunio'r cwestiynau a gwneud yn siŵr ei bod yn adlewyrchu profiadau go iawn. Mae’r tîm ymchwil yn cynnwys pobl LHDTC+ hefyd.
Os oes gennych chi unrhyw gwestiynau am y cyfweliad, gallwch gysylltu’n uniongyrchol â'r tîm ymchwil. Mae'r ddau ymchwilydd yn ystyried eu hunain yn LHDTC+, yn cadarnhau trawsrywedd, ac mae ganddynt brofiad o weithio ar bynciau sy'n ymwneud â LHDTC+:
- Dr Willem Stander (ef/ei)
- Dr Liam Cahill (ef/ei)
Gallwch gael rhagor o wybodaeth am y prosiect, tîm y prosiect ac atebion i unrhyw gwestiynau y gall fod gennych am y gwaith ymchwil yn y taflenni gwybodaeth isod.
Hoffech chi gael rhagor o wybodaeth neu gymryd rhan?
Gallwch gymryd rhan os ydych chi:
-
Rhwng 13–19 oed
-
Yn byw yn y DU neu Ynysoedd y Sianel
-
Yn ystyried eich hun yn LHDTC+
Nid oes angen i chi gael caniatâd gan riant neu warcheidwad, ac mae popeth yn gyfrinachol.
Dewiswch sut hoffech chi gymryd rhan:
Cyfweliad ar-lein
Mae’r cyfweliadau ar gyfer unigolion 16 oed a hŷn. Byddwch yn siarad ag ymchwilydd LHDTC+ sy'n deall y materion hyn ac a fydd yn gwrando heb feirniadu. Bydd opsiwn ar gael i chi gofrestru ar gyfer cyfweliad ar ddiwedd yr arolwg ar-lein.
Hoffech chi gael gwybod mwy cyn penderfynu?
Lawrlwythwch ein taflenni gwybodaeth i gael gwybod mwy.
Gwasanaethau cymorth
Os ydych chi'n teimlo'n ofnus, dan bwysau, neu'n ansicr ar ôl cael profiad o flacmel ar-lein, neu ar ôl bod yn rhan ohono, mae cefnogaeth ar gael.
Mae gwasanaethau cyfrinachol rhad ac am ddim ar gael ledled y DU sy’n gallu helpu. P’un a ydych chi eisiau siarad â rhywun, deall beth sydd wedi digwydd, neu gael cefnogaeth emosiynol, mae’r adnoddau isod ar gael i chi.
-
Switchboard: Cefnogaeth i bobl LHDTC+ dros y ffôn, sgwrs fyw neu e-bost. Ffoniwch 0300 330 0630 neu ewch Switchboard.
-
GALOP: Cymorth i bobl LHDTC+ gyda chamdriniaeth, trais neu droseddau casineb. Ffoniwch 0800 999 5428 neu ewch GALOP
- Report Remove (gan Childline ac IWF): Mae’n helpu pobl ifanc dan 18 oed i roi gwybod am ddelweddau neu fideos rhywiol sydd wedi ymddangos ohonynt ar-lein, a’u dileu.
- CEOP (Canolfan Camfanteisio ar Blant a'u Hamddiffyn Ar-lein): Rhoi gwybod am achosion o gam-drin neu gamfanteisio rhywiol ar-lein (i bobl dan 18 oed).
- Childline: Cefnogaeth i bobl ifanc dan 19 oed dros y ffôn, sgwrs fyw neu e-bost. Ffoniwch 0800 1111 neu ewch i Childline
- The Mix: Cefnogaeth a chyngor i bobl dan 25 oed am unrhyw beth rydych chi’n mynd drwyddo. Ffoniwch 0808 808 4994 neu ewch i The Mix
- Shout: 2Gwasanaeth cymorth iechyd meddwl 24/7 dros neges destun i bobl ifanc. Tecstiwch y gair SHOUT i 85258 neu ewch i Shout
- YoungMinds: Cefnogaeth a gwybodaeth am iechyd meddwl i bobl ifanc. Ewch i YoungMinds
- Papyrus: Cymorth iechyd meddwl ac atal hunanladdiad (i bobl dan 35 oed). Ffoniwch 0800 068 4141, tecstiwch 07860 039967 neu ewch i Papyrus
- Rape Crisis: Cymorth i unrhyw un dros 16 oed y mae trais rhywiol yn effeithio arnynt. Ffoniwch 0808 802 9999 neu ewch i Rape Crisis
- The Survivors Trust: Cymorth ledled y DU i bobl sydd wedi goroesi trais rhywiol. Ffoniwch 08088 010 818 neu ewch i The Survivors Trust.
Mewn partneriaeth â …
